欣賞馮強的投資 - 馮奔奔

2012年03月07日 10:49 木山木 Hong Kong Economic Journal
欣賞馮強的投資 - 馮奔奔

明報今日報導（連結1），喺香港要畀仔女良好嘅教育，吾少家長都想仔女入讀國際學校學好英文，又怕個仔女成績吾好入吾到本地大學，所以要投資先可以夠錢去外國讀書，閑閑地要三四百萬蚊。明報仲話，由此可見，要仔女成龍，就一定要及早為他們準備一份教育基金。

吾少人都鐘意將責任推到外在因素，子女教育及本身修養亦吾例外。但同投資一樣，最緊要身體力行，身教是最重要的。喺呢方面，我真係好敬佩馮強老師。

浸會大學傳理學院新聞學系擔任首席講師的馮強，其女兒馮奔奔在本地中學就讀，卻可以在英語評核試國際英語水平測試（IELTS）中拿9分滿分，並以尖子計 劃入讀香港大學法律（連結2），完成法律學位後再拿獎學金赴笈到美國進修（連結3），宜家好似係見習律師。馮強投資喺女兒嘅時間同心機，睇埋個女學業有 成，就算第日吾可以成為出色嘅律師，起碼佢經已成材，吾做律師都可以搵到食。嗰啲要畀三四百萬蚊個仔女讀書嘅家長，真係好好學習鳥。

我欣賞馮強，吾係因為他做過《亞洲華爾街日報》記者同埋《南華早報》副總編輯，亦吾係因為他英文勁（不過真係幾勁）。我欣賞馮強，是因為他以身作則不斷學 習英文，成為女兒的榜樣。佢冇因為自己後生嘅時候英文吾好就放棄自我學習；他不像其他的家長，淨係識畀金錢送仔女去外國留學，或者到國際學讀書，咁就以為 啲英文一定好，自己卻連英文報紙也不看一眼，淨係鐘意睇埋啲三流八婆中文雜誌，成日以為：｢我咁忙邊有時間學英文，我畀咁多錢啲仔女去國際學讀書，就係要 佢地英文梗係要叻過我。｣我最睇吾起呢啲人。

我相信，即使女兒如今的英文比馮強利害（寫就未必，不過講就應該好過佢老竇），但作為老竇，女兒青出於藍，實在感到驕傲。

前排小弟有幸得到馮強親自指導英文，他說的英語略帶香港口音，但十分清楚流利，英文用字造詣很高，是上乘的英語。打個比喻，有啲似查良庸及倪匡兩位中文文 壇大師的廣東話一樣，都說得不太標準，不過馮強的英文發音一定好過查良庸及倪匡嘅廣東話（以前睇今夜不設防，要睇字幕先知倪匡講乜）。

不過，對於有地道口音迷戀（Native Accent Obession）嘅香港人嚟講（即係以為卷晒脷講英文就好嗰啲人呢），有多少人識得欣賞上乘英文呢？吾少香港人，吾好話英國本土嗰廿幾種口音，或者美國 東岸西岸同南北部嘅地區口音，就連英美主要吾同嘅口音都分吾到，求其係西人NATIVE講就係好。

不如學下馮強咁，投資自己以身作則，慳番三四百萬蚊供個女去國際學教同外國讀，隨時樓都買多層，呢啲咪叫好投資囉！


附加連結
學費不菲 宜早買教育基金
港大馮奔奔奪得最佳辯論員獎
馮強父女兵 ABC築起成功路